Liv haqqında

Sentyabrın 14-də Liv Bona Dea Hospitalının təşəbbüsü ilə Kardiologiya şöbəsinin həkimləri “Ümid yeri” uşaq sığınacağında xüsusi qayğıya ehtiyacı olan uşaqlara müayinə təşkil edib. Valideyn himayəsindən məhrum olmuş xüsusi qayğıya ehtiyacı olan uşaqların sağlamlıq vəziyyətinin qiymətləndirilməsi məqsədilə keçirilən tədbirdə, həkimlər uşaqların ürək sağlamlığı ilə bağlı ətraflı müayinə aparıblar.

Aylar öncə Liv Bona Dea Hospital tərəfindən başladılan xeyriyyə kampaniyası uğurla başa çatdı. Hospitalın təşəbbüsü ilə “SOS Uşaq Kəndi”ndə inşa edilən yeni evin inşası tamamlanaraq istifadəyə verildi. Bu mühüm hadisə münasibətilə təşkil olunan açılış tədbirində Liv Bona Dea Hospitalın rəhbərliyi iştirak edərək uşaqlar üçün yaradılan yeni şəraitlə tanış olub. Tikilən ev, burada böyüyən uşaqların daha rahat və etibarlı mühitdə yaşamalarını təmin etmək məqsədi daşıyır. Liv Bona Dea Hospital olaraq gələcəkdə də cəmiyyətin həssas təbəqələrinə dəstək olmaq üçün belə təşəbbüslərin davamlı olaraq həyata keçirməyə çalışacayıq.