Botoks Nədir – Botoks Necə Tətbiq Olunur

Botoks

Botoks Clostridium botulinum bakteriyasından əldə edilən bir toksindir və 1981-ci ildən bəri tibbin bir çox sahələrində təhlükəsiz şəkildə istifadə olunur. Əvvəlcə yüksək dozalarda nevroloji xəstəliklərin müalicəsində geniş istifadə olundu, sonralar daha aşağı dozalarda belə qırışların müalicəsində təsirli olduğu müəyyən edildi və FDA-nın təsdiqini aldı. Başqa sözlə, məşhur inancın əksinə olaraq, ilan zəhəri deyil.

Botoksun Faydaları Nələrdir?

Botoks, əzələlərin sinir stimullaşdırılması ilə işləməsini təmin edən asetilkolin maddəsinin sərbəst buraxılmasının qarşısını alır. Beləliklə, əzələlər müvəqqəti olaraq zəifləyir və daha az işləyir. Əzələnin gərgin işləməsi nəticəsində yaranan mimik cizgilər bu şəkildə müalicə olunur və yeni mimik cizgilərin qarşısı alınır.

Botoks Necə Tətbiq edilir?

Botoks inyeksiya üsulu ilə tətbiq edilir. Xəstənin vəziyyətinə uyğun olaraq həkim tərəfindən uyğun görülən dozalarda uyğun nahiyələrə tətbiq edilir. Proses 5-10 dəq. vaxt aparır. Anesteziya tələb etməyən ağrısız bir prosedurdur. Botoks tətbiqindən dərhal sonra gündəlik həyata qayıtmaq mümkündür. Müalicənin effektivliyi 4-8 ay davam edir. Təkrar edilən prosedurlarla daha qalıcı nəticələr təmin edilir.

Botoksdan Əvvəl Nələrə Diqqət Etmək lazımdır?

Aspirin və digər qan sulandırıcı dərmanlar, ağrıkəsicilər və C vitamini istifadə edən xəstələrdə prosedurdan sonra göyərmələr ola bilər. Odur ki, mümkünsə, müalicədən 5-7 gün əvvəl bu dərmanları qəbul etməməkdə fayda var. Ancaq istifadə olunan dərman həyati əhəmiyyət kəsb edirsə, prosedur dərmanları dayandırmadan həyata keçirilə bilər.