Menyer xəstəliyi nədir? 🔎
 (1).jpg)
Son yeniləmə tarixi: 30.05.2025 08:41:06
Menyer xəstəliyi, daxili qulaqda yerləşən labirint mayesinin təzyiqinin artması nəticəsində yaranan və eşitmə ilə tarazlıq sisteminə təsir edən xroniki nevroloji pozuntudur.
Adını onu ilk dəfə təsvir edən fransız həkimi Prosper Ménière-dən almış bu xəstəlik, xüsusilə orta yaşlı insanlarda müşahidə olunur və bəzən ani, bəzən də mərhələli şəkildə irəliləyir.
Bu xəstəliyin əsas simptomları bunlardır:
- Qulaqda təzyiq hissi və dolğunluq
- Təkrarən başgicəllənmə (vertigo) tutmaları
- Eşitmə itkisi (xüsusilə alçaq frekanslarda)
- Qulaqda uğultu və ya zəng səsləri (tinnitus)
- Ürəkbulanma, qusma və tarazlıq itkiləri
Menyer xəstəliyi bir qulaqda başlayır, lakin zamanla hər iki qulağa da keçə bilər. Xəstəliyin epizodik xarakteri insanın sosial və iş həyatına ciddi mənfi təsir edir.
Qulaqda yüksək təzyiq səbəbi və əlaqəli faktorlar
Qulaqda yüksək təzyiq hissi yalnız Menyer xəstəliyi ilə bağlı olmaya bilər. Daxili qulaqda təzyiq artımı müxtəlif səbəblərlə əlaqəli olur. Lakin bu simptom xüsusilə labirint içindəki endolimf mayesinin çoxalması ilə bağlı olduqda, bu Menyer xəstəliyinin göstəricisi ola bilər.
Qulaqda yüksək təzyiq hissinin digər mümkün səbəblərinə baxaq:
- Sinus və burun problemləri
- Qulaq infeksiyaları (otit)
- Qan təzyiqinin dəyişməsi
- Psixoloji faktorlar və stress
- Hamiləlik və hormonal dəyişikliklər
Məhz bu səbəbdən qulaqda təzyiq hissi davamlı olduqda və başgicəllənmə, eşitmə zəifliyi ilə müşayiət olunursa, mütləq otolarinqoloq (LOR) müayinəsi aparılmalıdır. Əgər diaqnoz Meniere xəstəliyi ilə nəticələnərsə, müalicə və həyat tərzi dəyişikliklərinə tez başlamaq vacibdir.
💊 Menyer xəstəliyinin müalicəsi
Menyer xəstəliyinin tam sağaldıcı müalicəsi olmasa da, simptomları yüngülləşdirmək və xəstəlik tutmalarının qarşısını almaq mümkündür. Müalicə planı adətən fərdi simptomlara və xəstəliyin ağırlıq dərəcəsinə görə təyin olunur. Əsas müalicə üsulları hansılardır, gəlin birlikdə baxaq.
Pəhriz və mayenin tənzimlənməsi:
- Endolimf təzyiqini azaltmaq üçün gündəlik duz qəbulu minimuma endirilir. Kofein və spirt istifadəsi də məhdudlaşdırılır.
Dərman müalicəsi:
- Diuretiklər (sidikqovucular) – maye yığılmasını azaldır
- Antivertigo preparatlar (betahistin, meklizin) – başgicəllənməni azaldır
- Antiemetiklər – ürəkbulanmanı idarə etmək üçün istifadə edilir
Fizioterapiya və balans məşqləri:
- Vestibulyar reabilitasiya terapiyası xəstənin tarazlıq hissini bərpa etməyə kömək edir.
Psixoloji dəstək:
- Uzunmüddətli simptomlar xəstədə nevroz və ya depressiya yarada bilər. Bu səbəblə psixoloji yardım da faydalıdır.
Cərrahi və invaziv prosedurlar (nadir hallarda):
- Daha ağır hallarda labirintektomiya, endolimfatik dekompressiya və ya sinir kəsilməsi tətbiq oluna bilər.
Menyer xəstəliyinin müalicəsində erkən müdaxilə çox önəmlidir. Simptomlara ilk mərhələdə diqqət yetirilsə, xəstəlik daha rahat idarə oluna bilər və həyat keyfiyyəti yüksək səviyyədə qalar. Bunun üçün Bona Dea Hospitalının aparıcı mütəxəssis heyətinə müraciət edə və doğru müalicə üsulu ilə xəstəliyin öhdəsindən gələ bilərsiniz. Onlayn qeydiyyatla zaman itkisi olmadan müraciət edərək, sağlamlığınız üçün bir addım atın!
Əlaqədar sahələr
Hamısını görün
